કરોડો રૂપિયાની ખર્ચે બનેલી અત્યાધુનિક અમદાવાદના સુભાષબ્રિજ ખાતેની આરટીઓ કચેરીમાં ટુ-વ્હીલર અને ફોર વ્હીલના ડ્રાઇવિંગ લાઈસન્સ ટેસ્ટ માટે 16 એઆઈ કેમેરા તથા પાંચ સીસીટીવી જેવા સર્વેલન્સ કેમેરા ગોઠવવામાં આવ્યા છે. જેનાથી ટ્રેકનું રેકોર્ડિંગ થાય છે. નાગરિકે કારનો ડ્રાઇવિંગ ટેસ્ટ આપતા પહેલા ફરજિયાત વીડિયો જોયા પછી જ ટેસ્ટ ટ્રેકમાં ટેસ્ટ આપવાનો હોય છે જે સાતમાં મિનિટમાં પુરો કરવાનો હોય છે. જેમાં રિવર્સ, બોક્સ પાર્કિંગ સહિતની પ્રક્રિયા કરવાની હોય છે. આ ટેસ્ટમાં વીડિયો જોયા પછી પણ સુશિક્ષિત લોકો ભૂલ કરતા હોવાથી સમય મર્યાદામાં ટેસ્ટ પુરો કરી શકતા નથી અને 80 ટકા લોકો નાપાસ થાય છે.
જ્યારે કાર સહિત ફોર વ્હીલ ચાલક માટે એપોઇન્ટમેન્ટ લીધા પછી રજિસ્ટ્રેશન કરાવી ટોકન મેળવીને ફરજિયાત ડ્રાઇવિંગ ટેસ્ટ માટે માર્ગદર્શન આપતો ટ્રેકના નિયમો સાથેનો વીડિયો જોયા પછી જ ટેસ્ટ ટ્રેકમાં ડ્રાઇવિંગ લાઈસન્સનો ટેસ્ટ આપવાનો હોય છે. જેમાં સાત મિનિટમાં રિવર્સ તથા અંગ્રેજીનો આઠડો 90 સેકન્ડમાં બોક્સ પાર્કિંગ 130 સેકન્ડમાં અને 120 સેકન્ડમાં ઢાળ ચઢાવવાનો હોય છે. ટેસ્ટમાં ચાર રસ્તા ઉપર રખાયેલા ટ્રાફિક નિયમના ગ્રીન તથા રેડ સિગ્નલ પણ આવ છે, તેમાં કેટલાક વાહન ચાલકો ભૂલ કરી બેસે છે અને રેડ સિગ્નલમાં જતા નાપાસ થાય છે. તેમજ સમય મર્યાદામાં ડ્રાઇવિંગ ટેસ્ટની પ્રક્રિયા પુરી કરી શકા ન હોવાથી પણ નાપાસ થાય છે. આધુનિક બનાવ થયેલી ડ્રાઇવિંગ ટેસ્ટમાં સુશિક્ષિત લોકો પણ ગોથે ચડે છે.
