IPL 2026ની 31મી મેચ સનરાઇઝર્સ હૈદરાબાદ અને દિલ્હી કેપિટલ્સ વચ્ચે રમાઈ હતી, જેમાં હૈદરાબાદે 243 રનનો ટાર્ગેટ દિલ્હીને આપ્યો હતો. જેને સર કરવા ઉતરેલી DCને SRHએ 47 રનની માત આપી મેચ આસાનીથી જીતી લીધી હતી
સનરાઇઝર્સ હૈદરાબાદની આ જીતના હીરો અભિષેક શર્મા, ઈશાન મલિંગા અને હર્ષ દુબે રહ્યા. અભિષેકે 135 રનની તોફાની ઇનિંગ રમી, જ્યારે ઈશાન મલિંગાએ ચાર વિકેટ તો હર્ષ દુબેએ ત્રણ વિકેટ ચટકાવી હતી.
IPL 2026માં સનરાઈઝર્સ હૈદરાબાદે કુલ 7 મેચ રમી છે જેમાં ત્રણમાં હાર તો ચારમાં જીતનો સ્વાદ ચાખ્યો છે. જ્યારે અક્ષર પટેલની કમાનવાળી દિલ્હી કુલ 6 મેચ રમી છે જેમાં ત્રણમાં જીત તો ત્રણમાં હાર થઈ છે
સનરાઈઝર્સ હૈદરાબાદે 20 ઓવરમાં 2 વિકેટ ગુમાવીને 242 રન બનાવ્યા હતા. અભિષેક શર્મા 68 બોલમાં 135 રન બનાવી અણનમ રહ્યો હતો, જેમાં તેણે 10 ચોગ્ગા અને 10 છગ્ગા ફટકાર્યા હતા. હેનરિક ક્લાસેન 13 બોલમાં 37 રન કરી અણનમ રહ્યો હતો, જેણે ત્રણ ચોગ્ગા અને ત્રણ છગ્ગા માર્યા હતા. આ પહેલા ટ્રેવિસ હેડે 26 બોલમાં 37 રન અને ઈશાન કિશને 13 બોલમાં 25 રનની ઈનિંગ રમી હતી.
દિલ્હી કેપિટલ્સ સામે અભિષેક શર્માએ તોફાની ઈનિંગ રમતા 68 બોલમાં 135 રન જડી દીધા હતા. અભિષેકે 10 ચોગ્ગા અને 10 છગ્ગા ફટકાર્યા હતા અને અણનમ રહ્યો હતો. આમ જોવા જઈએ તો ઈનિંગ દરમિયાન ચોગ્ગા છગ્ગાની મદદથી અભિષેક શર્માએ 100 રન બનાવ્યા હતા. 10 ચોગ્ગાથી 40 રન તો 10 છગ્ગાથી 60 રન બનાવી અભિષેકે હૈદરાબાદ માટે રનનો ખડકલો કરી દીધો હતો.
