રાજ્ય સરકારે ફરી એકવાર વાહન સ્ક્રેપ પોલિસી જાહેર કરી છે, પરંતુ સત્તાવાર આંકડાઓ અનુસાર સમગ્ર ગુજરાત રાજ્યમાં હાલમાં 15 વર્ષથી વધુ જૂના અને ખખડધજ વાહનોની કુલ સંખ્યા 41.20 લાખથી વધુ નોંધાયેલી છે. આ ખખડધજ વાહનો મુસાફરો માટે જોખમી સાબિત થઈ શકે છે અને સાથેસાથે પર્યાવરણ માટે પણ મોટો ખતરો બની રહ્યા છે. હવે સરકારે રહી રહીને વાહનો ભંગારવાડે જાય તે માટે આકર્ષક રોડ ટેક્સ રાહતનું ગાજર લટકાવ્યું છે, પરંતુ તેમ છતાં સ્થિતિ જ્યેની ત્યે છે.
રાજ્યના મોટા શહેરોમાં 15 વર્ષ જૂના વાહનોનો રાફડો ફાટ્યો છે. જેમાં સૌથી વધુ અમદાવાદ જિલ્લામાં 20.58 લાખથી વધુ વાહનો ખખડધજ હાલતમાં છે. આ ઉપરાંત રાજકોટમાં આશરે 7.36 લાખ, સુરતમાં 2 લાખ અને વડોદરામાં 1.35 લાખથી વધુ જૂના વાહનો નોંધાયા છે. આ 41 લાખ વાહનોમાં 6.34 લાખથી વધુ કાર, 1.76 લાખ જેટલી ટ્રક, 1.11 લાખથી વધુ ટ્રેક્ટર અને 1.34 લાખથી વધુ પેસેન્જર રિક્ષાઓનો સમાવેશ થાય છે, જે પર્યાવરણ માટે મોટો ખતરો બની રહ્યા છે.
નવી માર્ગદર્શિકા અનુસાર, રાજ્ય સરકાર હસ્તકના 15 વર્ષથી જૂના સરકારી વાહનો, એસ.ટી. બસો અને સ્થાનિક નગરપાલિકા કે કોર્પોરેશનના વાહનોને ધીરે ધીરે સ્ક્રેપ કરવામાં આવી રહ્યાં છે. ખાનગી વાહનો માટે પણ 15 વર્ષ પૂર્ણ થયા બાદ ફિટનેસ સર્ટિફિકેટ મેળવવું કડક બનાવી દેવાયું છે. નવા નિયમો મુજબ 15 વર્ષ જૂની ખાનગી કારના રી-રજિસ્ટ્રેશનની ફીમાં વધારો કરવામાં આવ્યો છે, જેથી લોકો જૂના વાહનો વાપરવાનું બંધ કરે. આમ છતાંય જૂના વાહનોની ભરમાર યથાવત રહી છે. આ જોતાં વાહન સ્ક્રેપ પોલિસી બિનઅસરકારક સાબિત થઈ રહી છે.
ગુજરાતમાં વાહન સ્ક્રેપ પોલિસી અપેક્ષા મુજબ સફળ થઈ રહી નથી તેના મુખ્ય કારણો નીચે મુજબ છે:
