અમદાવાદ જિલ્લાના બાવળા શહેરમાં એક નજીવી બાબતે થયેલો ઝઘડો હત્યામાં પરિણમતા સનસનાટી ફેલાઈ ગઈ છે. શહેરના શ્યામ કોમ્પ્લેક્સ વિસ્તારમાં, ઊંચા અવાજે મ્યુઝિક વગાડવાની સામાન્ય બાબતે શરૂ થયેલા વિવાદમાં મકાન માલિક પ્રદીપસિંહ ચૌહાણની ઘાતકી હત્યા કરવામાં આવી હતી.
મ્યુઝિક અવાજનો ઝઘડો હત્યામાં ફેરવાયો
પ્રાપ્ત માહિતી અનુસાર, શ્યામ કોમ્પ્લેક્સમાં રહેતા મકાન માલિક પ્રદીપસિંહ ચૌહાણના મકાનમાં ભાડુઆત તરીકે રહેતા રવિન્દ્રસિંહનો પાડોશી સુરેશ ઠક્કર સાથે ઊંચા અવાજે મ્યુઝિક વગાડવા બાબતે ઉગ્ર ઝઘડો થયો હતો. આ મામલો એટલો વણસી ગયો કે બંને પક્ષે બોલાચાલી શરૂ થઈ ગઈ.
ઝઘડો ઉગ્ર બનતા, મકાન માલિક પ્રદીપસિંહ ચૌહાણ વચ્ચે પડીને મામલો શાંત પાડવાનો પ્રયાસ કરી રહ્યા હતા. જોકે, આવેશમાં આવેલા આરોપી સુરેશ ઠક્કરે ઘરની અંદરથી છરો કાઢીને મકાન માલિક પ્રદીપસિંહ ચૌહાણ પર હુમલો કર્યો હતો.
છાતીમાં બે ઘા માર્યા, સારવાર દરમિયાન મોત
આરોપી સુરેશ ઠક્કરે પ્રદીપસિંહ ચૌહાણની છાતીના ભાગે બે ઘા ઝીંક્યા હતા, જેના કારણે પ્રદીપસિંહ ગંભીર રીતે ઘાયલ થયા હતા. તેમને તાત્કાલિક સારવાર માટે હોસ્પિટલ ખસેડવામાં આવ્યા હતા. જોકે, સારવાર દરમિયાન પ્રદીપસિંહ ચૌહાણનું કરુણ મોત નિપજ્યું હતું.
બાવળા પોલીસને આ હત્યાની ઘટનાની જાણ થતાં જ પોલીસ ટીમ તાત્કાલિક શ્યામ કોમ્પ્લેક્સ ખાતે દોડી ગઈ હતી. પોલીસે સ્થળ પર પહોંચીને મૃતકના પરિવારજનોની ફરિયાદ લેવાની તજવીજ હાથ ધરી હતી અને ગણતરીના સમયમાં જ આરોપી સુરેશ ઠક્કરની ધરપકડ કરી લીધી હતી.
પોલીસે હવે આરોપી વિરુદ્ધ હત્યાનો ગુનો નોંધીને, આ સમગ્ર ઘટના પાછળ માત્ર મ્યુઝિકનો ઝઘડો જ જવાબદાર છે કે પછી કોઈ જૂની અદાવત હતી, તે અંગેની વધુ તપાસ હાથ ધરી છે. આ હત્યાના બનાવથી બાવળા શહેરમાં ચકચાર મચી જવા પામી છે
Sup everyone! Gave 76n a go the other night. The layout is clean and easy to use, which is always a plus. Game selection is decent too. Worth a quick peek at 76n.