રાજકીય મેળાવડાઓમાં નેતાઓ માટે ત્રણ-હજાર રૂપિયાની ડીશનું ભોજન રાખતી ગુજરાત સરકારે હવે આંગણવાડીના બાળકોને પ્રતિદિન 8.50 રૂપિયાનો ‘પૌષ્ટિક’ ખોરાક આપવાનું નક્કી કર્યું છે. સરકારે પોરસ કરતા એવું જણાવ્યું છે કે, અત્યાર સુધી બાળક દીઠ 5.10 રૂપિયાની રકમ અપાતી હતી. જેમાં હવે પાવર પેકના નામે 3.40 રૂપિયાનો વધારો કરાયો છે. આટલી રકમમાં તો બાળકના દૈનિક મેનુમાં મગ, કઠોળ, દાળ, ચણા, શાકભાજી અને ફળોનો ઉમેરો કરી દેવાનો દાવો પણ કરાયો છે.
>તુવેર દાળ: 1.24 રૂપિયા
>આખા ચણા: 0.85 રૂપિયા
>આખા મગ: 1.30 રૂપિયા
>ગોળ: 0.53 રૂપિયા
>લીલા શાકભાજી: 0.83 રૂપિયા
>ફળો: 2.00 રૂપિયા
>સિંગદાણા/તલ: 0.65 રૂપિયા
>મસાલા: 0.65 રૂપિયા
>પરિવહન: 0.50 રૂપિયા
આટલી રકમમાં બાળકોને કેવો નાસ્તો અને ગરમ નાસ્તો કરાવી શકાય, તે સામાન્ય નાગરિક પણ સમજી શકે છે. ઉલ્લેખનીય છે કે, રાજકીય મેળાવડા અને કાર્યક્રમો હોય ત્યારે નેતાઓ માટે ત્રણ-હજાર રૂપિયાની કિંમતના ભોજનની ડીશો રાખવામાં આવે છે. જ્યારે ગુજરાત અને ભારતના ભવિષ્ય એવા બાળકોના ભોજન માટે 8.50 રૂપિયાની મશ્કરી રૂપ રકમ સરકાર આપી રહી છે.
